190               TESTAMENTS ENREGISTRÉS AU PARLEMENT DE PARIS            (430)
et chascun d'eulx fist, nomma et esleut ses executeurs et feaulx com­missaires ; ausquelz ensemble et aux deux d'iceulx, dont la dicte Fre-ininete et le dit maistre Adam soient tousjours les deux, et que sans eulx deux aucune chose n'en puist estre fait, il donna et donne povoir de ce faire, de adjouster, acroistre, ou diminuer ycelui son testament, le corriger, interpreter et y faire en toutes choses tout ce que ilz ver­ront en leurs consciences estre bon à faire pour le salut et remede de l'ame de lui, en leur priant piteusement que ilz s'en vueillent Chargier et le mettre à fin deue, au plus tost et le mieulx que faire se pourra.
Es mains desquelz ses executeurs ycelui testateur, des maintenant pour lors, se dessaisi et desvesti de tous ses biens meubles et im­meubles, voulant et consentant que tantost après son trespassement ilz en feussent et soient saisiz et vestuz partout deuement, pour ycelui son testament entériner et acomplir; en les soubzmettant pour ce du tout avecques le fait de son execucion à la jurisdicion, cohercion et contrainte de nous" et de noz successeurs prevosiz de Paris; et revoca, et rappella tous autres testamens, codicilles et ordonnances de derreniere volenté, par lui autres fois faiz et ordonnez avant ycelui present, auquel il se arresta et arreste du tout, et le volt estre et demourer valable par force de testament, de codicille et autrement, par les meilleurs forme et maniere que de droit, de us, stile et cous­tume, et autrement valoir et demeurer pourra et devra.
En tesmoing de ce, nous, à la relacion des diz notaires, avons mis à ces lettres testamentaires le seel de la dicte prevosté de Paris.
Ce fu fait et passé l'an de grace mil quatre cens et six, le lundi treze jours du mois de septembre.
Ainsi signé : Piece. J. Guerry.
Collacio faeta fuit cum originali, die va decembris, e° gccc vu0.
(Archives Nationales, x1* 9807, fol. ao3 r°. )